Awtor dźensa

Jurij Bjeńš

„Pokalne hry maja swójske prawidła“ je sada, kotruž w kopańcy husto słyšimy. Ja wosobinsce pokalne hry lubuju, dokelž knježi w nich, wšojedne na kotrej runinje, wosebita brizanca. Někotři pak na nje swarja. Wosebje starši hrajerjo, dokelž so pokalne hry husto na swobodnych dnjach přewjedu. Z tym nimaja ženje přestawku. Pokalne hry pak zmóžnjeja husto wosebite duele a emocije a su najjednoriša móžnosć, sej trofeju wudobyć.