New Delhi (B/SN). Hinduizm je z miliardu přiwisnikow po křesćanstwje a islamje třeća najwjetša nabožina swěta. Wona ma swoje korjenje w Indiskej. Hinduwojo wěrja, zo duše wšěch stworjenjow so po smjerći znowa narodźa. Rěča tuž wo pućowanju dušow. Po jich měnjenju je wot zadźerženja w zemskim žiwjenju wotwisne, hač so jako čłowjek, zwěrjo abo rostlina znowa narodźiš.

50 lět rozmołwni partnerojo

Vatikan (B/SN). Komisiji za nabožne poćahi k židowstwu a k islamej stej so před 50 lětami we Vatikanje załožiłoj. Hakle po Druhim Vatikanskim koncilu (1962–1965) prócuje so katolska cyrkej wo wjetši respekt w dialogu z druhimi swětowymi nabožinami, wosebje ze židami a muslimami. W dokumenće „Nostra aetate“ je zapisane: „Katolska cyrkej ničo njewotpokazuje, štož je w tutymaj nabožinomaj wěrne a swjate.“

Elementy wěry muslimow