Motor Kumwałd –

ST Marijina hwězda 2:1 (0:1)

Zestawa hosći: D. Matik – R. Cyž, K. Pakoßnik, E. Bulank, M. Wróbl, J. Clausen (74. L. Hoge), J. Kuring, A. Eldor (81. F. Zelnak), P. Lugge, J. Pakoßnik, F. Kreuz

Kickeroweho turněra dla, kotryž bě so sobotu we Wotrowje zarjadował, bě so partija wokrjesneje ligi hižo pjatk wječor w Kumwałdźe pod swětłomjetakami na kumštnym trawniku wotměła.

Ronald Cyž bě sej ze sylnej akciju bul wuwojował a Jakuba Clausena posłužił. Bul pućowaše dale k Florianej Kreuzej. Sam před wrotami pak jón Wotrowčan jenož wo někotre centimetry pódla wrotow sadźi (16.). Hižo z druhej šansu pak Pančičenjo nawjedowachu. Matijas Wróbl bě dołhi pas na zakładnu liniju hrał. Patrick Lugge jón z wulkim zasadźenjom hišće dosćahny. Lugge widźeše w zadnim rumje Clausena, kotryž z trochu zbožom 1:0 trjechi (28.). Krótko do połčasa bychu klóšterscy koparjo nimale 2:0 docpěli. Wólny kop Wróbla přizemi na hłowje Jakoba Pakoßnika. Wón zhłójčkowa bul mócnje na napřećiwneho wrotarja, Luke Gonzaleza Pereza, a nuzowaše jeho k spektakularnej paradźe. To běštej sylnej akciji wobeju akterow (42.).