SGB je nowy wokrjesny mišter
Pedagogojo-wolejbulisća Serbskeho gymnazija Budyšin (SGB) su 51. sezonu wokrjesnych mišterstwow při wysokim saku bjez poražki zakónčili a sej znowa titul zawěsćili. Wot lěta 1992 je to nětko jědnaty pokal, kotryž pyši witrinu SGB.
Widźał, słyšał, napisał (04.06.18)
Awtor dźensa
Jurij Bjeńš
Sport (01.06.18)
Třikrajowy turněr za dorost
W Holešowskej Dubrawce přewjedźe Njeswačanske jězdne a jěchanske towarstwo prěni kónc tydźenja w juniju třikrajowy turněr z dorostowymi jěcharkami a jěcharjemi z Němskeje, Pólskeje a Čěskeje. Runočasnje wuhotuja tam wokrjesne jěchanske mišterstwa wokrjesa Budyšin. Dohromady wočakuja 2 000 wopytowarjow.
Druhi běh za dumpery
W Bad Freienwaldźe sewjerowuchodnje Berlina změja dumperowcy njedźelu, 3. junija, swój druhi běh motorsportoweje sezony 2018. Kwalifikaciske běhi su wot 11 do 12 hodź. planowane, hódnoćenske běhi potom wot 13.30 hodź. Přizamknje so mytowanje dobyćerjow. Prěni běh w Adelsdorfje je André Grafe (Adelsdorf) před Thomasom Neumannom (Adelsdorf) a Marcusom Donatom (Baćoń) dobył. Amtěrowacy němski dumperowy mišter Filip Kral z Róžanta wobsadźi tam jeno 4. městno.
Běhi wo pokal Andrickeho
Z přerěznym wukonom dobyli
ST Marijina hwězda
– FSV Łuty 3:1 (2:1)
Zestawa domjacych: O. Schmidt – Rab, Škoda, K. Pakoßnick, Lipič, Winkler, Kuring (82. Hübner), Hawš, P. Schmidt, Eldor, J. Pakoßnick (79. Čornak)
Na 27. hrajnym dnju wokrjesneje ligi, stafle dwaj pohosćichu koparjo ST Marijineje hwězdy dźewjateho tabulki z Łutow. Pančičenjo knihowachu domjacy wuspěch 3:1, kotryž słuša do kategorije dźěłowe dobyće.
Wuspěšny serbski lochkoatlet
Z dypkom klasu zachowali
ST 1922 Radwor
– ST Kinspork/Łužnica 3:3 (2:2)
Zestawa domjacych: Kral – Šěrak, Bejmak, Omran (77. Mark), Zähr, Nuk, Zimmermann, Henka, Rachel (77. Bauer), Kurjat, Schulze
Wuslědki (30.05.18)
Kopańca, wokrjesna wyša liga
1. SC Großröhrsdorf 27 56 : 17 61
2. Rakečanske ST 27 67 : 40 54
3. Motor Kumwałd 27 57 : 34 47
4. Wojerowski FC 27 54 : 33 47
5. Póst Germ. Budyšin 27 60 : 39 44
6. Drohotka Ramnow 27 58 : 56 42
7. Módro-běli Kulow 27 53 : 29 40
8. LSV Hory 26 60 : 56 38
9. SG Großnaundorf 27 48 : 47 38
10. Sokoł Ralbicy/Hórki 27 42 : 46 37
11. ST Wjelećin 27 53 : 81 30
12. ST Hnašecy-Dobruša 26 50 : 59 29
13. ST Radwor 27 52 : 62 29
14. ST Kinspork/Łužnica 27 54 : 56 28
15. Zeleno-běli Bukecy 27 31 : 79 19
16. ST Budyšin 27 33 : 94 13
wokrjesna liga-stafla I
Großharthau – Großröhrsdorf II 0:2 (0:0)
Budissa Budyšink – Huska 1:0 (0:0)
Połčnica – Porchow1:1 (0:0)
Wjernarjecy – Wachau 2:2 (1:0)
Załom – Frankenthal1:3 (0:1)
Horni kraj II – Malešecy 1:5 (0:1)
Ottendorf-Okrilla – Arnsdorf 0:1 (0:1)
Germ. Budyšin II – Bretn.-Hausw. 1:2 (0:1)
čoło tabulki
1. TSV Połčnica 27 98 : 26 67
2. ST Porchow 27 64 : 23 59
3. Traktor Malešecy 27 68 : 35 55
4. TSV Wjernarjecy 27 72 : 40 53
Wolejbulowy krimi w pěsku
Kónčna tabulka regionalnych mišterstwow w bičwolejbulu:
1. Serbski gymnazij Budyšin 4 13:7
2. Humboldt. gymn. Radeberg 4 12:6
3. Ch. Weisowy gymn. Žitawa 4 12:7
4. Wyša šula Niska 0 1:18
Najstarša šulerska starobna skupina bičwolejbulistow Serbskeho gymnazija Budyšin (SGB) je při Olbersdorfskim jězoru wuchodosakske finale dobyła. Šulerki a šulerjo 10. a 11. lětnika wubědźichu sej we wurisanju „Młodźina trenuje za olympiju“ złotu medalju a kwalifikowachu so za sakske krajne finale 12. junija w Drježdźanach.
Třeći raz skwalifikowa so cyłk SGB za sakske finale w sportowej družinje bičwolejbul. W lětomaj 2014 a 2016 wróćichu so naši šulerjo stajnje ze 4. městnom, srjedź junija chcedźa holcy a hólcy wokoło kapitana Dawida Wowčerja znowa wo dobre zaměstnjenje wojować.
Wjacori serbscy běharjo na podestnych městnach
10. swjatkowne běhi wokoło Bjerwałdskeho jězora z rekordnym wobdźělenjom
517 atletow, štož běše nowy rekord, je při rjanym Bjerwałdskim jězoru na jednej z pjeć płonych distancow na 0,8 km, 3 km, 5 km, 10 km a 21,1 km cil docpěło. Mjez wobdźělnikami wojowaše tež lětsa zaso z brawuru dobry dźesatk serbskich lubowarjow běhanja. Serbja wudobychu sej jedne cyłkowne druhe městno a we wotpowědnych starobnych klasach wosom medaljowych městnow.
Na čarje 3 km wubědźowachu so šulerjo pod 10 a 12 lětami. Tu běštaj Schadec bratr a sotra za Serbsku šulu Budyšin wuspěšnaj: Jarek Schade docpě cyłkowne 2. městno a w starobnej skupinje prěnje městno (12:06 min) a sotra Jitka 3. městno w samsnej skupinje (14:17 min). Na distancy 5 km běštaj dobyćerjej Konrad Hlawenka z Drježdźan (17:48 min) a Tamina Poike z Ringenhaina (20:38 min). Šuler Dawid Žur z Lejna wubědźi sej w skupinje pod 14 lětami 2. městno (21:46 min).
Koparjo Njebjelčanskeje SJ dale wuspěšni
SJ Njebjelčicy
– Nowe Město II 7:0 (3:0)
Zestawa domjacych: Hahn – Hoelzel, Hrjehor, Pawlik (65. D. Kral), Hanuza, Haška, Lejnart, S. Kral, Čornak (65. Zeller), Ričel (65. Domš), Korjeńk
Njebjelčanski trenar Handrij Krawčik bě zbožowny, zo měješe nimale swój kompletny kader k dispoziciji. Zwjeselace tež bě, zo dósta prěnje mustwo Sportoweje jednotki Njebjelčicy do zakopa nowu kompletnu hrajnu garnituru přepodatu. Dobry partner a sponsor je SJN Njebjelčanske Misalic transportne předewzaće. Šef firmy Matthias Misala přepoda kapitanej Jurjej Hašce nowu kolekciju.
Ze spěšnymi wrotami Handrija Korjeńka w 5. min. domjacy zwuraznichu, zo chcedźa partiju na kóždy pad dobyć. Dalše dobre nadběhi, wosebje přez lěwu stronu přez spěšneho Leopolda Hoelzela a přez agilneho Gabriela Čornaka, pokazachu na hrajersku přewahu Njebjelčanow. Tak padnychu hišće wrota přez Roberta Lejnarta (21.) a Korjeńka (39.) k 3:0.
