Widźał, słyšał, napisał (07.05.18)
Awtor dźensa
André Strelow
Sezona w profijowej kaž tež amaterskej kopańcy Němskeje so nachila. Škoda, zo běše napjatosć w najwyšej zwjazkowej lize hižo po krótkim času zaso fuk. Šesty raz za sobu su Bayerojo mištersku šklu do Mnichowa wotwjezeli. Za chowancow trenarja Juppa Heynckesa je to mjeztym rutina. Na mjezynarodnej runinje pak běše za nich w połfinalu jězba zakónčena. Real Madrid pokaza cyle jednorje wjetšu překlepanosć, byrnjež Bayerojo we woběmaj partijomaj wjac hrajnych podźělow a šansow měli. Nětko ma trenar Heynckes hišće šansu na pokalne dobyće w Berlinje. Z wuspěchom by swoje dźěło wurjadnje zakónčił a so na wuměnk podał. Přesłapili su chowancy Petera Stögera z Dortmunda. Něhdyša lochka hra je preč, cyłkej BVB faluje konstantnosć. Tež byki z Lipska dožiwichu wočakowanu ćežku druhu sezonu a zběrachu prěnje nazhonjenja na europskej runinje. Dokelž sobotu dypkowu hru dobychu, móhli so woni hišće za městno europskeje ligi kwalifikować. Jeli pak přěhraja, móže so stać, zo póńdu z prózdnymaj rukomaj z hrajneje doby 2018/2019.
Sport (04.05.18)
Serbja w startowych lisćinach
Za „Kćenjowy běh“ njedźelu w Kamjencu je so wjace hač 700 sportowcow přizjewiło. Mjez nimi su tež Serbja kaž na přikład Marija Škodźina z Wotrowa abo Dawid Kliman z Budyšina. Nimo běhanskich wubědźowanjow změja tam tež kolesowanske. Prěnje wurisanje započnje so w 10 hodź., poslednje wokoło dwěmaj.
27. běh na a po Sokolniku
Jutře, sobotu, wotměje so hižo 27. raz jara naročne wubědźowanje we Wjazońcy na a po 589 metrow wysokej horje Sokolnik, kotrež po tradiciji Triatlonowe towarstwo Sokolnika organizuje. Jednotliwe distancy wurisanjow za běharjow budu 1 / 2,5 / 5 a 12 kilometrow a za lubowarjow walkinga 5,0 km. Wšitke hódnoća so za rjadnu lisćinu Wopačanski cup běharjow. Start kaž tež cil stej na Wjazońčanskim sportnišću.
Kónctydźenska kopańca
04.05. 18:30 Jednota Kamjenc –
FC International Lipsk
04.05. 18:30 Sokoł Ralbicy –
Wojerecy (stari knježa)
05.05. 13:00 Módro-běli Kulow II –
LSV Bluń
05.05. 15:00 ST Radwor –
Motor Kumwałd
05.05. 15:00 Módro-běli Kulow –
Rakečanske ST
06.05. 12:30 SJ Chrósćicy II –
SJ Njebjelčicy
06.05. 13:30 Budissa Budyšin –
FC Viktoria
06.05. 15:00 SJ Chrósćicy –
SC Borea Drježdźany
06.05. 15:00 ST Wjelećin –
Sokoł Ralbicy/Hórki
Sylny wukon cyłeho mustwa
ST Rakecy II
– ST Marijina hwězda 0:2 (0:1)
Zestawa hosći: O. Schmidt – Wróbl (81. Hübner), Škoda, Jurš, Lipič, Rab, (38. P. Schmidt), Kuring, O. Hawš, R. Hawš, Eldor (78. Winkler), Pakoßnick
Bě to nachwatanska dypkowa hra, kotraž je so poprawom 18. měrca přewjesć dyrbjała. Tón dźeń pak zadźěwaštej sněh a lód duelej. Z koncentrowanym a solidnym přestajenjom móžachu pak hosćo z Pančic-Kukowa partiju pola druheho mustwa Rakečanskeho ST 2:0 dobyć. Jakob Pakoßnick a Oskar Hawš třělištaj wrota za druheho wokrjesneje ligi stafle 2. Najlěpši hrajer dnja Oskar Hawš spřihotowa w 17. min. nawjedowanje. Z wuběrnym pasom posłuži wón Pakoßnicka, kotryž nisko k 0:1 trjechi. Z diagonalnymi bulemi spytachu domjacy do strašneje cony přińć, štož so jim w 20. min. tež poradźi. Nadběhowar běše nadobo sam před wrotarjom Oliverom Schmidtom, kotryž z wulkotnej paradu wrotam zadźěwa. Nětko so wobaj cyłkaj w srjedźnym polu neutralizowaštej. Krótko do połčasa pak měješe Richard Hawš 0:2 na noze, bul pak lećeše do mróčelow.
Po přestawce hru hišće zwjertnyli
SJ Njebjelčicy
– Wojerowski FC II 4:1 (0:1)
Zestawa domjacych: Hahn – Kral, Hrjehor, Hoelzel, Pawlik, Hanuza (87. D. Kral), Schulze, Haška, Lejnart, Korjeńk (82. Zeller), Ričel (73. Čornak)
Po jasnym dobyću přećiwo Lubušej chcychu chowancy trenarja Handrija Krawčika doma połnje dypkować. Při najrjeńšim nalětnim wjedrje přichwata něhdźe sto přihladowarjow do Njebjelčic.
Hižo we 8. mjeńšinje dóstachu koparjo z Wojerec jědnatku. Njebjelčan Stefan Kral potorhny w šěsnatce nadběhowarja a jědnatku Kai Schleiernick wěsće přetwori. Nětko dyrbjachu so domjacy najprjedy raz trochu rjadować, zo bychu zaso prawje do hry přišli. W tej fazy mějachu Wojerowscy samo móžnosć nawjedowanje zwyšić. Dwójce pak Nico Hahn z wuběrnym refleksom dalšim wrotam zadźěwa. Za Njebjelčanow měještaj wosebje Robert Lejnart a Handrij Korjeńk šansu k wurunanju. Lejnart pak smokny bul přez wrota a Korjeńk z třělwu předołho čakaše.
Pokalny drama
ST Haselbachtal – Sokoł Ralbicy/Hórki 6:7 po třělenju jědnatkow (2:1, 2:2, 3:3)
Zestawa Ralbicy: Gloxyn, Rawš, M. Matka (42. Bejma), Kř. Matka (64. Korjeńk), Materna, Šewc, Domaška, Kurjat, Zynda, S. Bjeńš, Janca
Najwyše sezonowe dobyće
FSV Budissa Budyšin
– FSV 63 Luckenwalde 4:1 (1:1)
Zestawa domjacych: Ebersbach – Kunze, Patka, Hoßmang, Heppner, Krawčik (65. Müller), Weiß (58. Bönisch), Hausdorf, Milde, Schmidt, Pfanne (73. Kloß)
Hdyž je posledni tabulki z hosćom na Młynkec łuce, potom je to poprawom chětro dobry dóńt za domjace dobyće. Budyšenjo pak jasnje wědźachu, zo dyrbi so přećiwo přećiwnikej chutnje hrać. Hosćo mějachu spočatnje wjace wot hry a docpěchu přez Ahmeta Sagata (28.) nawjedowanje. Za Budissu bě to chětro zymna duša. Nětko dyrbjachu hosćićeljo wšitko spytać, zo bychu znajmjeńša hišće do połčasa zastatk wurunali. Prěnju móžnosć k tomu měješe domjacy cyłk přez Franza Pfannu, kotryž pak z hłójčkowanym bulom wrota snadnje misny (31.). Wulke wjeselo knježeše na tribunje mjez 351 přihladowarjemi, jako poradźi so Martinej Hoßmangej skónčnje 1:1 (41.). To bě wažny signal za mustwo.
Wuslědki (02.05.18)
Kopańca, regionalna liga mužow
Babelsberg – Halberstadt 3:1 (1:1)
Luckenwalde – Auerbach 0:0 (0:0)
Altglienicke – Neustrelitz 5:2 (2:0)
Neugersdorf – Chemija Lipsk 0:0 (0:0)
Hertha BSC II – Berlinski AK 1:4 (1:2)
Fürstenwalde – Meuselwitz 2:0 (2:0)
FC Viktoria – Energija Choćebuz 0:2 (0:0)
1. Energija Choćebuz 32 73 : 14 83
2. BFC Dynamo 29 65 : 34 54
3. Wacker Nordhausen 30 40 : 23 49
4. Berlinski AK 31 53 : 43 49
5. Hertha BSC II 32 48 : 43 45
6. Union Fürstenwalde 31 55 : 47 44
7. SV Babelsberg 03 30 43 : 35 43
8. Germ. Halberstadt 30 56 : 50 43
9. ZFC Meuselwitz 32 42 : 40 42
10. Lok Lipsk 29 33 : 30 41
11. VfB Auerbach 31 43 : 44 40
12. FC Neugersdorf 31 43 : 47 40
13. FC Viktoria Berlin 31 43 : 48 38
14. Budissa Budyšin 31 28 : 41 37
15. Altglienicke Berlin 31 29 : 37 35
16. Chemija Lipsk 32 20 : 45 34
17. TSG Neustrelitz 31 34 : 64 26
18. FSV 63 Luckenwalde 32 23 : 86 8
NOFV-wyša liga
Carl Zeiss Jena II – Halle 3:1 (0:0)
SCHOTT Jena – Kamjenc 2:1 (2:1)
Merseburg – Biskopicy 0:2 (0:1)
International Lipsk – Kśišow 2:0 (0:0)
1. Biskopičanske KT 25 60 : 11 63
2.FC International Lipsk 24 53 : 15 52
3.FC Carl Zeiss Jena II 22 50 : 28 47
4.FC Eilenburg 24 43 : 20 46
5. VFC Plauen 23 29 : 34 42
6. FC Einheit Rudolstadt 24 42 : 32 36
7. TV Askania Bernburg 23 44 : 29 34
8. VfL 96 Halle 24 19 : 30 30
9. SV SCHOTT Jena 25 24 : 43 29
10. SG Union Sandersdorf 23 38 : 40 27
11. BSG Wismut Gera 24 32 : 42 27
12. VfB 1921 Kśišow 25 43 : 55 26
13. 1. FC Lok Stendal 23 25 : 43 24
14. FSV Barleben 23 21 : 41 24
15. Jednota Kamjenc 25 16 : 44 16
16. SV Merseburg 99 23 19 : 51 11
krajna klasa
Nowe Město – Laubegast 4:1 (2:1)
Ćisk – Drježdźany-Strěžin 1:0 (1:0)
Drježdź. SC – Nowosólc-Hródk 2:3 (1:3)
Neugersdorf II – Chrósćicy 2:2 (0:0)
W awtodromje MOST bě kónc tydźenja wubědźowanska serija ADAC GT ...
Steja dale w delnjej třećinje tabulki
ST Radwor – LSV Hory 0:3 (0:1)
Zestawa domjacych: Wróbl – Omran (61. Wjeńka), Šěrak, Henke, Zähr, Mark (40. Winar), Zimmermann, Rachel (83. Bauer), Bejmak, Kurjat, Schulze
Njedźelu witachu Radworscy koparjo w nachwatanskej hrě tabulkoweho susoda z Horow. W prěnjej połseriji móžachu sej Radworscy na Horach hišće dypk wuwojować. Wot toho pak běchu njedźelu daloko zdaleni. Trenar Pětr Bejmak bě swojich hrajerjow do hry před dobrej ofensiwu přećiwnika warnował. Wot spočatka sem přewzachu hosćo komando na hrajnišću a so tak přeco strašnje wrotam bližachu. Prěnje wjetše šansy hišće wuwostajichu, tola domjacy njenamakachu srědki přećiwo spěšnym kombinacijam. Po 20. min. klinkaše prěni raz w klětce Fabiana Wróbla. Koparjo z Horow přihrawachu sej bul w srjedźnym polu bjez wobaranja Radworskich. Marius Nikol přewza zamołwitosć a sadźi bul z 20 metrow do saka. Tež po nawjedowanju hosći njemóžachu sej Radworscy šansy wuhrać. W srjedźnym polu falowaše trěbna klasa w dwubojach a tak běchu nimale přeco domjacy škitarjo prašeni.
Pančičenjo nětko tež slěbornik wokrjesa
Po zbožownym docpěću druheho městna w tabulce wokrjesneje ligi wuchod běchu Pančičanscy wolejbulisća zdobom za wuhraće titula wokrjesneho mištra nominowani. Wo pokal wojuja stajnje prěnjej dwaj tabulki wokrjesneju ligow Budyšin sewjer a wuchod. Po wotprajenju mustwa Módro-běli Wojerecy a sportownje w Budyšinje wupraji so serbska šestka krótkodobnje zwólniwa, wurisanje w domjacej hali w Pančicach přewjesć.
Za Marijinu hwězdu hrajachu: Marko Kowar, Marko Smoła, Benedikt Smoła, Jakub Langa, Pětr Bobka, Gerald Bachmann, Lukas Kubic, Pedro Libš, Enrico Kral a Metod Šołta
ST Marijina hwězda – SC Wojerecy 0:2 (12:25, 11:25)
