Wuslědki (03.01.17)
Regionalna koparska liga
1. Carl Zeiss Jena 17 33 : 6 42
2. Energija Choćebuz 18 29 : 10 38
3. Berlinski AK 17 30 : 21 33
4. RB Lipsk II 18 27 : 22 30
5. FC Viktoria Berlin 17 33 : 21 28
6. Babelsberg 03 17 30 : 24 28
7. BFC Dynamo 18 31 : 23 26
8. FC H. Ł. Neugersdorf 17 23 : 15 26
9. Lok Lipsk 18 26 : 25 26
10. Hertha BSC II 17 22 : 22 26
11. Nordhausen 16 24 : 23 23
12. FC Schönberg 17 27 : 31 22
13. Meuselwitz 17 13 : 16 18
14. Auerbach 18 19 : 33 18
15. Union Fürstenwalde 18 18 : 33 15
16. Budissa Budyšin 18 16 : 27 12
17. FSV Luckenwalde 17 12 : 30 11
18. Neustrelitz 17 15 : 46 4
Juniorojo swoje turněry přewjedli
Je hižo z tradiciju, zo přewjeduja koparjo Sokoła Ralbicy/Hórki mjez hodami a Nowym lětom halowe turněry za dorostowe mustwa wokolnych towarstwow. Ideju zrodźiłoj běštaj před lětami Jan Hrjehor z Róžanta a Marian Žur z Lejna w nadźiji, zo jón stajnje jenož w Ralbicach njewotměwaja, ale snano tež raz druhdźe. To pak poradźi so jenož jónu, jako přewza ST 1922 Radwor jedne lěto wotežki. Loni so žane towarstwo zwólniwe wuprajiło njeje, a tak wotmě so dorostowy turněr 27. decembra znowa w Ralbičanskej ćěłozwučowarni.
Sokołscy koparjo so jeničce Kulowčanam kłonić dyrbjeli
Třeći raz wuhotowa ST Rakecy swój halowy koparski turněr, a to w Radworskej „Slaviji“. Planowane bě, zo wosom mustwow nastupi, bě pak jich jeno šěsć, a to z Rakec z Njeswačidła, Kulowa, Ralbic a Biskopic. Domjacy sami nastupichu z dwěmaj cyłkomaj. Tak hraješe kóždy přećiwo kóždemu stajnje 12 mjeńšin. Biskopičenjo startowachu hnydom z jasnym dobyćom přećiwo Módro-běłym Njeswačidło. Tež mjez Kulowskimi Módro-běłymi běše hnydom spóznajomne, zo wěc jara chutnje bjeru. Woni porazychu w prěnjej hrě Rakečansku rezerwu ze 6:2. Sokołske mustwo wobsteješe jeničce z koparjow z Pěskec a Ralbic. Byrnjež někotři wažni akterojo pobrachowali, prezentowachu so woni přećiwo Rakečanam jara wurunani a derje nastajeni. Po zažnym zastatku zwjertnychu hru a dobychu přez wrota Fabiana Korjeńka, Dennyja Gloxyna a samowrota Jakuba Čornaka z 3:1.
Mamutowy program WFV
Zapadołužiski koparski zwjazk přewjeduje wot spočatka decembra mamutowy program z halowymi turněrami. We wobłuku młodźiny A hraje dźesać, pola młodźiny B 14, w starobnej klasy młodźina C 21, w młodźinje D 34 a pola młodźiny E rekordne 48 mustwow. W starobnej klasy młodźina F je to 46 cyłkow.
Tež wjacore koparske zastupnistwa serbskich sportowych jednotkow su pódla. Turněry wuhrawaja w sportowych halach we Wojerecach, Korzymju, Łužnicy, Kamjencu, Kinsporku, Biskopicach a Załomju.
Z předkołami a mjezykołami budźe to za WFV hač do kónca januara 41 turněrow, kotrež su takle rozrjadowane: młodźina A dwě předkole a kónčne koło-młodźina B dwě předkole a kónčne koło-młodźina C tři předkoła a kónčne koło-młodźina D pjeć předkołow, tři mjezykoła a kónčne koło/młodźina E sydom předkołow, tři mjezykoła a kónčne koło-młodźina E sydom předkołow, tři mjezykoła a kónčne koło.
Zapadołužiski koparski zwjazk wuhotuje turněr zhromadnje ze sportowymi towarstwami, kotrež WFV přisłuša.
Kilian Hrjehor
Koparske mustwa młodźiny A, D a E Radworskeho sportoweho towarstwa ...
Widźał,słyšał, napisał (02.01.17)
Awtor dźensa
Jurij Nuk
Wšitkim serbskim sportowcam a čitarjam přeju žohnowane, strowe a wuspěšne lěto 2017. Pjeć lětdźesatkow mjeztym, a to bjez přetorhnjenja, startuja wot lěta 1967 w Budyšinje sportowi entuziasća k silwesterskemu běhej, prajo tak staremu lětu božemje! Nan ideje běha běše tehdy Manfred Lohse, sportowy wučer a trenar młodych lochkoatletow Zawodoweho sportoweho zjednoćenstwa Motora Budyšin. Na prěnim tajkim wobdźěli so lědma dźesatk zajimcow. Bě wšak tež mysleny jako interny. Jara spěšnje pak so tónle wobłuk w slědowacych lětach přełama. Razantnje stupaše zajim za tele kónclětne wubědźowanje w Budyskim a susodnych wokrjesach. Tak wobdźěli so na 10. jubilejnym silwesterskim běhu 1976 hižo 150 atletow. Tajkeho rozrosta dla bě trjeba, zo Budyski wokrjesny fachowy wuběrk za lochkoatletiku wurisanje přewozmje. Předsyda wuběrka běše absolwent Serbskeho wučerskeho wustawa Wolfgang Schumacher.
Statistika
Wokrjesna wyša koparska liga
staw: 15. hrajny dźeń
1. ST Ćisk 40 dypkow
2. Rakečanske ST 31 dypkow
3. SC Großröhrsdorf 25 dypkow
4. Póst Germ. Budyšin 25 dypkow
5. Sokoł Ralbicy/Hórki 24 dypkow
6. Módro-běli Kulow 22 dypkow
7. ST Kinspork/Łužnica 21 dypkow
8. ST Hnašecy-Dobruša 20 dypkow
9. Motor Kumwałd 20 dypkow
10. LSV Hory 18 dypkow
11. Wojerowski FC 16 dypkow
12. Drohotka Ramnow 16 dypkow
13. FV Ottendorf-Okrilla 16 dypkow
14. Zeleno-běli Bukecy 14 dypkow
15. TSV Połčnica 11 dypkow
16. ST Wjelećin 9 dypkow
wrota cyłkownje: 474
přerěznje 3,95 wrotow na hru
najlěpši třělc: Franz Rösner, LSV Hory, 22 wrotow
přihladowarjo: přerěznje 74 na hru
hódnoćenje fairnesy:
1. LSV Hory 19 dypkow
16. Motor Kumwałd 39 dypkow
žołta karta: 384
najwjac: Póst Germania Budyšin 34
najmjenje: ST Wjelećin 13
žołto-čerwjena karta: 12
čerwjena karta: 6
wosebitosće:
Jónu dyrbješe trenar nutřkowny rum wopušćić.
Jónu bu sudnik skřiwdźeny žołto-čerwjeneje karty dla.
Jónu nochcyše narunanski kopar sobu hrać.
Jónu su domjacy přiwisnicy hru přetorhny. Kilian Hrjehor
Zymski sport w hodownym času
Sport (30.12.16)
Turněr wo pokal TCM
Towarstwo Cyrila a Metoda zarjaduje sobotu, 7. januara, w 14 hodź. w Chróšćanskej „Jednoće“ halowy koparski turněr wo pokal TCM. Přeprošene su wosadne a wjesne mustwa młodźiny kaž tež sportowych jednotkow. Kóžde měło z wosom hrajerjemi nastupić. Přizjewić maja so hač do pjatka, 30. decembra, pola Guida Zahrodnika pod telefonowym čisłom 0151/52 221759.
Na nowolětne płuwanje
Njedźelu, 8. januara, přewjedźe młodźina w Hózku nowolětne płuwanje pod hesłom Early blackbird, a to w Čornym Halštrowje. Za startowy pjenjez dweju eurow dóstanje płuwar/ka ćopły napoj. W 13 hodź. so wobdźělnicy zetkaja, płuwanje započnje so w 14 hodź. při wulkim spušćadle pola Hózka.
Kurs za koparskich sudnikow
Koparski zwjazk Hornja Łužica přewjedźe spočatk lěta kurs za sudnikow-započatkarjow. Tež zajimcy Zapadołužiskeho koparskeho zwjazka (WFV) móža so wobdźělić a pruwowanje złožić. Přizjewjenja su móžne pod . Wukubłanje započnje so 20. januara w 17 hodź. w hosćencu „Am Markt“ we Waldhufenje pola Dźěžow (Diehsa). Přizjewjenski formular namakaće na internetnej stronje WFV.
Wosmy raz do wody skočili
Běły Chołmc (SN/MWj). Mjeztym hižo wosmy raz je Wojerowske płuwanske sportowe towarstwo wčera kónclětne płuwanje přewjedło, tónraz w Třižonjanskim jězoru. K tomu njeběchu jeno čłonojo towarstwa přišli, ale tež dalši sportowcy z cyłeje Sakskeje. Dohromady 30 atletow so zwaži do pjeć stopnjow zymneje wody skočić a wokoło małeho přistawnišća płuwać. Zaso wróćo na pobrjohu nječakachu na nich jeno ćopła drasta, ale tež horce napoje a za kóždeho wobdźělnika wosebite wopismo.
W minjenych sydom lětach běchu chrobli płuwarjo hižo něštožkuli dožiwili. Tak dyrbjachu na Hórnikečanskim jězoru raz dźěru do tołsteje woršty loda wudypać. Tehdy bě to dźesać zmužitych, kotřiž do lódzymneje wody skočichu. Třižonjanski jězor pola Běłeho Chołmca drje wčera zamjerznjeny njebě, přiwšěm dyrbjachu so wobdźělnicy přewinyć, při temperaturje wokoło štyrjoch stopnjow do wody hić. Kaž pak wobkrućichu, njebě to za nich dale zlě, tež nic při mjezsobnym napryskanju.
