Regionalni wuměłcy dawaja zajimawy dohlad do našočasneho tworjenja ...

pjatk, 19. meje 2017
artikl hódnoćić
(0 )
Hakle lětsa nastata wolijowa mólba na płatnje Iris Brankačkoweje „bjez titula (twarski wóz)“ Iris Brankačkowa Hakle lětsa nastata wolijowa mólba na płatnje Iris Brankačkoweje „bjez titula (twarski wóz)“ Iris Brankačkowa

Wustajeńca we Wuchodosakskej wuměłstwowej hali Połčnica

W Połčničanskej wuměłstwowej hali su hač do srjedź junija wustajene mólby, keramiki, plastiki, design a pycha dohromady 53 wuměłcow a wuměłčow kulturneho ruma w Hornjej Łužicy, Rudnych horinach a Kamjenicy. To je dobra­ přiležnosć zetkawanja twórcow a wuměny nahladow a tworićelskich nastajenjow. Zo so tole w poměrnje małym měsće stawa, je indic za to, zo knježi w Połčnicy wosebita, wuměłstwu tyjaca atmosfera. Hižo zapis wustajacych muži a žonow lubi zajimawy dohlad do našočasneho tworjenja zwjetša zwonka wulkich metropolow žiwych tworjacych wuměłcow. Hornja Łužica je z Iris Brankačkowej, Marijom Ošiku, Gerdom Hallasch­kom, Horstom Jurtzom, Eberhardom Petersom a Almut-Sophiju Zielonka derje zastupjena. Přehladka „Město – krajina. Drjeworězby, ćišna a krajina“ nasta w zhromadnosći Ernsta Rietscheloweho kulturneho koła, Hornjołužiskeho wuměłstwoweho towarstwa a Budyskeho wuměłstwoweho towarstwa.

wozjewjene w: Kultura & wuměłstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND