Dołha a pisana rewija

pjatk, 15. februara 2019
artikl hódnoćić
(0 )
Brilantne choreografije: K jendźelsce spěwanym zynkam skupiny ABBA – ptačokwasny program wopřiješe nimo toho tež zeserbšćene němske popowe štučki – je balet SLA z widźomnym lóštom rejwał a tak awtentiski flair doby disko sposrědkował. Brilantne choreografije: K jendźelsce spěwanym zynkam skupiny ABBA – ptačokwasny program wopřiješe nimo toho tež zeserbšćene němske popowe štučki – je balet SLA z widźomnym lóštom rejwał a tak awtentiski flair doby disko sposrědkował.

Ansambl zakładnu mysl programa ze wšej konsekwencu zeskutkownił

Wšojedne, kak publikum wo lětušim wječornym ptačokwasnym programje Serbskeho ludoweho ansambla „To tla wěrno njej’!“ sudźi: Cyle strózbje hladane su wuměłcy dokładnje to zwoprawdźili, štož bě libretistka Jěwa-Marja Čornakec připowědźiła. Mjenujcy časowu jězbu, sebjeironisce a -referencielnje stawizny wopřijacu, w šaće sobotnišeje telewizijneje zabawy. Konsekwentny tuž rewijowy charakter inscenacije, kotraž je jednotliwe, ze sobu na kóždy pad njezwi­sowace čisła do skerje lochkeho ramikoweho jednanja zapletła. Logika hraje pod­rja­dowanu rólu. Zo so inscenacija hdys a hdys chětro rozwleče – zahajaca filmowa sekwenca na přikład předołho traje –, je někotremužkuli přihladowarjej wjeselo trochu skazyło. Přiwšěm je tež to naposledk konsekwentne. Lubowarjo sporta běchu dźě so tež na to zwučili, zo so „jich“ wusyłanje pozdźišo započnje, dokelž knjez Gottschalk zaso raz dlěje trjeba. Što je publikum putało, dlěje hač tři hodźiny na wobrazowku sutać, je hinaše prašenje.

wozjewjene w: Kultura & wuměłstwo

Galerija

dalši wobraz (1) W pozitiwnym zmysle klepnjenej běštej reji zwonkazemskich. Wočiwidnje su woni samo na „Kołpjowym jězoru“ přewšo zajimowani. Foto: SN/Maćij Bulank
Prošu přizjewće so, chceće-li komentar podać

nawěšk

  • Spěchowanski kruh za serbsku ludowu kulturu je 16. a 17. měrca mjeztym 28. serbske jutrowne wiki w Budyskim Serbskim domje wuhotował. Wiki běchu jara wuspěšne, tež nastupajo ličbu wopytowarstwa. Tule smy wam někotre fotowe impresije z wikow zestajeli

nowostki LND