Jutře sokołski turněr
Serbski Sokoł zarjaduje jutře w Radworju (nic w Budyšinje) 37. sokołski wolejbulowy turněr wo pokal Domowiny. Mustwa zetkaja so we 8 hodź., nastup je za 8.15 hodź. planowany a skupinske hry w třoch staflach budu wot 8.30 do 12 hodź. Dodźerži-li so časowy plan, móhł předsyda Domowiny Dawid Statnik 15 cyłkow wokoło 14 hodź. mytować.
Njedźelu na koparski derby
W zwučenych časach, a to popołdnju w třoch, koparske cyłki zaso wot toho kónca tydźenja hraja. W njezwučenym času, a to dźensa wječor w sedmich, nastupi cyłk Sokoła Ralbicy/Hórki we wokrjesnej wyšej lize pola Wojerowskeho FC. W samsnym času budu na Budyskej Młynkec łuce swětłomjetaki zaswěćene, hdyž wočakuje Budissa Budyšin Čerwjeno-běłych Erfurt. Šlagrowu hru pak změja njedźelu w Njebjelčicach. Tam hraje prěnje mustwo SJ Njebjelčicy popołdnju w třoch přećiwo cyłkej ST Marijineje hwězdy, načolnikej wokrjesneje ligi, stafle dwaj.
02.03. 15:00 Rakečanske ST –
ST Hnašecy-Dobruša
03.03. 15:00 SG Großnaundorf –
ST Radwor
03.03. 12:30 SJ Chrósćicy II –
Traktor Malešecy
Blidotenisowe duele