×

Powěsć

Failed loading XML...

Wulkotnje wudospołnjaca so kombinacija hudźbnikow a dirigenta

pjatk, 12. apryla 2019
artikl hódnoćić
(0 )
Heidemarja Wiesnerec a orchester SLA stej wopytowarjow koncerta „Stysk a wysk“ z wirtuoznym wukonom zahoriłoj. Tež hóstny dirigent Peter Biloen zasłuži sej hrimotacy přiklesk.  Foto: Stefan Cuška Heidemarja Wiesnerec a orchester SLA stej wopytowarjow koncerta „Stysk a wysk“ z wirtuoznym wukonom zahoriłoj. Tež hóstny dirigent Peter Biloen zasłuži sej hrimotacy přiklesk. Foto: Stefan Cuška

Spočatk měrca je Serbski ludowy ansambl wosebity a w kóždymžkuli zmysle jónkrótny koncert wuhotował. Pod hesłom „Stysk a wysk“ prezentowaštej orchester SLA a hóstna solistka Heidemarja Wiesnerec za křidłom pod nawodom mjezynarodnje renoměrowaneho nižozemskeho dirigenta Petera Biloena na Budyskej žurli ansambla dramaturgisce wuwaženy program twórbow z dobow klasiki a romantiki.

Zazběh wječora tworješe „Serenada E-dur­ za smyčkowy orchester op. 22“ ­Antonína Dvořáka. Tak mjenowanu praksu historiskeho předstajenja docyła njewobkedźbujo interpretowachu hudźb­nicy pjećsadźbowu kompoziciju na skerje ekspresionistiske dyžli pózdnjoromantiske wašnje. Hdźežkuli je w parti­turje ritardando abo accelerando před­pisane, da Peter Biloen smyčkarjow raznje pomałšo resp. spěšnišo hrać. Žadaja-li sej noty změnu intensity abo akcent, je to dirigent radikalnje wukładował. Tak nastawacej dynamice polěkowaše poměrnje „wótry“ zwuk, dopominacy na komorne ćěleso Il giardino armonico, kotrež – w tym zwisku to kuriozum – ­je na mjenowanu historisku praksu specializo­wane.

wozjewjene w: Kultura & wuměłstwo
Prošu přizjewće so, chceće-li komentar podać

Serbska debata

nowostki LND