175 lět po załoženju a wjace hač tři lětdźesatki po wožiwjenju rozestajichu so čłonki a čłonojo ze stawiznami a přichodom MS

Najstarše serbske towarstwo Maćica Serbska (MS) je lětušu 175. róčnicu swojeho załoženja z dwudnjowskej wědomostnej konferencu w Budyskim Serbskim domje woswjećiło. Dohromady 16 slědźerkow a slědźerjow wěnowaše so kónc nowembra z cyłkownje 15 přednoškami pod hesłom „Wědu šěrić – Wissen schaffen – Wědu šyriś“ předewšěm stawiznam towarstwa.