Hdyž wužiwamy w sporće přirunanje Dawid přećiwo Goliatej, jedna so zwjetša wo pokalne hry. Tak tež w krajnym wolejbulowym pokalnym kole muži, w tak mjenowanym cupje lutowarnje. W nim zetka so minjenu sobotu underdog Viktoria Worklecy z 1. VV Freibergom ze sakskeje klasy a Motorom Mickten z krajneje ligi.
1. VV Freiberg – Motor Mickten 3:2 (29:27, 15:25, 17:25, 25:22, 15:11)
Na dnjowym hrajnym planje Sakskeho wolejbuloweho zwjazka steješe, zo dyrbitaj prěnju hru dnja faworitaj přewjesć. Wulka ličba přihladowarjow we Worklečanskej sportowni dožiwi wolejbulowu chłóšćenku. Po dramatiskim duelu, za kotryž trjebachu wšitke pjeć sadźbow, doby Freiberg. Po wobhladanjahódnym wolejbulu bě poprawom hižo jasne, zo njezměje hosćićelski cyłk přećiwo wyšoklasowymaj mustwomaj šansu na dypk abo sadźbowe dobyće.
Viktoria Worklecy – Motor Mickten 0:3 (23:25, 17:25, 12:25)