ST Lubuš II –

SJ Njebjelčicy 0:4 (0:1)

Zestawa SJ Njebjelčicy: D. Weclich, Hanusa, A. Reineke, T. Čornak (65. Cyž), P. Hrjehor (75. R. Weclich), F. Hrjehor, Plaettner, Schulze, Lehmann (85. Hahn), Rudolf, O. Domš

Sobotu podachu so Njebjelčenjo na wonkownu hru do Lubuša. Róli běštej jasnje rozdźělenej. Mustwo SJ Njebjelčicy steješe ze 16 dypkami na třećim městnje hrajneje tabulki, domjacy hrajerjo pak su jenož štyri dypki w dotalnej hrajnej dobje docpěli. Tak wobsadźichu předposlednje městno. Zaměr bě slědowacy: Hosćo chcychu jako faworit wočakowanjam wotpowědować a tři dypki sobu domoj wzać.