Awtor dźensa

Pětr Šołta

Wot 10. nowembra sem sym z płachtakom wokoło swěta po puću. Nažel nic woprawdźe, ale znajmjeńša wirtuelnje, hdyž pohladam wšědnje na stronu wubědźowanja płachtakow Vendée Globe, kak daloko su čołmy w zašłych hodźinach zaso po oceanje smalili a štó wobsadźi runje kotre městno.

Dźesaty raz so tute błudne zarjadowanje přewjedźe, kotrež je drje jedne z poslednich woprawdźitych dyrdomdejow na swěće, wšako nima podarmo přimjeno „Mount Everest morjow“. 40 zmužitych muži a žonow je so na puć podało, zo bychu sami a nonstop z hač do 74 km/h na jich 18 metrow wulkich hightech-čołmach swět wobkružili.