Sport (22.11.24)
Wolejbulistki hraja doma
Wolejbulisća z Pančic-Kukowa hraja dźensa wječor w Słónkecach (Schlungwitz) přećiwo hosćićelej z Hnašec-Dobruše a dalšemu hóstnemu cyłkej z Wjazońcy. Dotal njeporažene Worklečanki změja jutře swój prěni domjacy hrajny dźeń přećiwo tabulkowymaj susodomaj ze Šumbacha a Zhorjelca.
22.11. 18:30 ST Hnašecy-Dobruša –
ST Marijina hwězda (m)
22.11. 18:30 ST Marijina hwězda –
Sokolnik Wjazońca (m)
23.11. 10:00 Viktoria Worklecy II –
Šumbachski VV (ž)
23.11. 10:00 Viktoria Worklecy II –
CVJM Zhorjelc II (ž)
30.11. 10:00 Nysa Wolejs –
Viktoria Worklecy II (ž)
30.11. 14:00 Viktoria Worklecy –
Póst Drježdźany (m)
30.11. 14:00 Viktoria Worklecy –
Motor Mickten (m)
Běh wokoło Brusnika
28. běh wokoło Brusnika (Braunsteich) přewjedźe so jutře, 23. nowembra. Wšitkich 400 městnow je wuknihowanych.
W Delanach witaja načolnika
Prěnje koparske mustwo Sokoła Ralbicy/Hórki wočakuje na Delanskej kermuši njedźelu načolnika z Němskich Pazlic. Sokoljo, kiž su naposledk dwójce 0:0 hrali, chcedźa před domjacym publikumom skónčnje zaso połnje dypkować. W samsnym času hraja tež Chróšćenjo, Pančičenjo a Njebjelčenjo doma.
23.11. 11:00 Rakečanske ST II –
SJ Chrósćicy II
Wjele dźěła, mało wunoška
HZ Wóslink/Skaskow/Kulow II – SJ Njebjelčicy 2:1 (2:0)
Zestawa hosći: D. Weclich – Schulze, Reineke A. (76. Hahn), Hanuza, F. Hrjehor (57. R. Weclich), Rudolf, Čornak, Lehmann, F. Domš, Plaettner, O. Domš
Hnydom po zahwizdanju hosćo hru kontrolowachu. Přeco zaso předrěchu so strašnje k wrotam, zwrěšćichu pak při zakónčenju nadběhow. Hosćićeljo wobmjezowachu so na to, dołhe bule na swojich spěšnych ofensiwnych ludźi hrać. Běchu pak jenož zrědka strašni za Njebjelčanow.
Po 14 mjeńšinach zestupnik přiwšěm nawjedowaše. Po róžku stejachu škitarjo hosći přešpatnje. Pjaca tutu šansu wuži a suny bul do saka 1:0 (14.). SJ Njebjelčicy wustupowaše dale dominantnje a bul jenož zrědka woteda, tola wunoška z toho njeměješe. Bul nochcyše prosće přez wrotowu liniju. Za to hosćićeljo hišće raz juskachu. Poprawom njestrašny dołhi bul Plaettner wotběža. Bohužel pak komunikacija z wrotarjom Weclichom njefungowaše. Po hesle „wzmi ty – ja mam“ přewostajichu bul Wóslinčanskemu nadběhowarjej, kotryž docpě nawjedowanje 2:0 (40.).
Njetrjebawša wonkowna poražka
ST Porchow – ST Marijina hwězda 2:0 (1:0)
Zestawa hosći: Czapik (46. Bayer) – Wróbl, R. Cyž, K. Pakoßnick, Ladewig, F. Bulank, Fe. Langer (82. Fa. Langer), Eldor, Clausen, Kreuz (35. D. Jurš), Kurink
Łamk po dwaceći mjeńšinach
ST 1922 Radwor – Módro-běli Minakał 0:3 (0:3)
Za Radworske mustwo zasadźeni: Matik – B. Grubert (86. Krječmar), M. Dźisławk, Měrčink, M. Grubert(76. L. Pěčak), Wjacławk (46. C. Dźisławk), Hetaš (46. Mitška), Šnajder (68. Wjesela), Adam, Wróbl, Paška
Třeća hra bjez dobyća
ST Horni kraj Sprjewja – Sokoł Ralbicy/Hórki 2:1 (0:1)
Za Ralbicy zasadźeni: Schöne – B. Heidorn, Wałda, Rachela, Bejmak (72. Hicka), Mjechela (46. Rawš, 64. L. Heidorn), Šewc, Gloxyn, Mikławšk, Schultz, Šiman (23. Woko)
Po njerozsudnymaj hromaj bjez wrotow chcychu Sokoljo w Hornim kraju zaso połnje dypkować. Přećiwnik, kotryž wobsadźi loni hišće druhe městno, běše do hry na předposlednim. Tak sebi Ralbičenjo dobru šansu wuličichu.
Po hižo dwěmaj mjeńšinomaj ležeše tež bul w saku. Po wólnym kopje Dennyja Gloxyna zhłójčkowa Křesćan Bejmak hrajny nastroj do klětki. Pobóčny sudnik pak zběhny chorhojčku a rozsudźi na nimohru. Po pjeć mjeńšinach pak dyrbješe Willy Schöne zady so přimnyć. Hybner móžeše bul 50 metrow přez hrajnišćo ćěrić a tykny bul rjenje do haski, hdźež Nowak bul pódla Schöneho do wrotow suny. Wot tutoho dyra so Ralbičenjo w prěnim połčasu tež njezhrabachu. Prawa wola a poslednja žadosć njeběchu spóznać a tak hrajachu Sokoljo najšpatnišu hru sezony hač dotal.
Po ćežkej hrě podleželi
SC Größröhrsdorf – SJ Chrósćicy 3:1 (2:0)
Zestawa SJ Chrósćicy: Škoda – Rätze (46. Graf), Mark, Zynda, L. Zahrodnik, Bogusz (69. Wencel), Hawš (71. Donat), Handrik, G. Zahrodnik, Matik (58. Młynk), M. Zahrodnik
Chróšćanscy koparjo dojědźechu sej sobotu do Großröhrsdorfa. Tamniši cyłk steji na druhim městnje tabulki. Tohodla bě wot spočatka jasne, zo budźe to za hosći ćežka dypkowa hra.
Dwójne wjeselo pola Drježdźanskeho SC ...
Njewočakowany dypk
SC Freital – Viktoria Worklecy 3:2 (25:27, 25:18, 18:25, 25:18, 15:9)
Za Worklecy hrajachu: Beno, Jan a Jakub Bobka, Marko Brězan, Ludwig Eckert, Stephan Gedik, Elias Kummer, Józef Šnajder, Benedikt Šołta, Daniel Wałda a Sćěpan Wjenka
Wuslědki (18.11.24)
Kopańca, krajna klasa
Drjež. Strěžin – Hartmannsdorf 4:1 (2:1)
Chemie Dohna – Wojerowski FC 2:2 (2:0)
Heidenawske ST – Radeberg 2:1 (1:1)
SC Freital II – ST Wesenitzal 2:1 (0:1)
Drježdźany – Nowosólc-Hródk 0:1 (0:0)
Weixdorf – Biskopičanske KT II 3:1 (2:0)
1. SC Freital II 12 38 : 12 29
2. FSV 1990 Nowosolc-Hrodk 13 40 : 13 28
3. Póst Drježdźany 12 25 : 17 21
4. SZ Drježdźany Strěžin 12 24 : 17 21
5. ST Wesenitzal 12 26 : 27 21
6. SG Weixdorf 12 19 : 18 17
7. Wojerowski FC 12 15 : 20 17
8. FSC Wódrjeńca 02 11 24 : 23 15
9. Heidenawske ST 12 19 : 20 14
10. Chemie Dohna 13 19 : 38 14
11. Radebergerske ST 12 26 : 31 13
12. TSV Cossebaud 12 17 : 35 13
13. Hartmannsdorfske ST 12 21 : 33 11
14. Přezjednota Niska 11 30 : 26 10
15. Biskopičanske KT II 12 25 : 31 10
16. Rotacija Drježdźany 12 12 : 19 10
wokrjesna wyša liga
Ottendorf-Okrilla – Budyšin 3:0 (1:0)
Großröhrsdorf – SJ Chrósćicy 3:1 (2:0)
Bukecy – TSV Połčnica 2:0 (1:0)
Sprjewja – Sokoł Ralbicy/Hórki 2:1 (1:0)
Kulow – HZ Łaz/Běły Chołmc 3:1 (1:0)
Ramnow – Hnašecy-Dobruša 3:0 (2:0)
Němske Pazlicy – Rakečanske ST 4:0 (3:0)
SG Großnaundorf – TSV Wachau 3:1 (1:1)
1. Natwar Němske Pazlicy 12 40 : 17 31
2. SC 1911 Großröhrsdorf 12 26 : 18 27
3. ST Hnašecy-Dobruša 12 25 : 14 23
4. Rakečanske ST 12 36 : 17 22
5. SG Großnaundorf 12 21 : 19 18
6. Sokoł Ralbicy/Hórki 12 22 : 13 17
7. Póst Germania Budyšin 12 25 : 23 17
8. TSV Wachau 12 21 : 21 17
9. SJ Chrósćicy 11 17 : 19 16
10. Zeleno-běli Bukecy 12 25 : 21 15
11. FV Ottendorf-Okrilla 05 12 17 : 26 15
12. Módro-běli Kulow 12 15 : 21 12
13. Drohotka Ramnow 12 19 : 29 12
14. TSV Połčnica 12 13 : 24 8
15. ST Horni kraj-Sprjewja 11 15 : 33 8
16. HZ Łaz/Běły Chołmc 12 6 : 28 5
wokrjesna liga, stafla 1
Widźał,słyšał, napisał (18.11.24)
Štó z nas to njeznaje? Druhdy so prašeš: zaplacane, za koho abo čeho to scyła činju? Wšojedne hač so wuchodźujo, joggujo abo při treningu – runje w tutym počasu, hdyž su temperatury niske, su porsty a druhe stawy zymne a so nimo toho hišće dešćuje, je pohib – je sport wosebje wonka njepřijomny. To dyrbiš nutřkowneho čerćika přeswědčić. Wězo pohib je trěbny a elementarny za našu strowotu, to so nam wšudźe a přeco prěduje. Štož pak lochke sportowe jednotki hižo po krótkim času w našim ćěle wuskutkuja, to sym sej njedawno na stronje zjawnoprawniskeje redakcije Quarks načitał.
