Wšě móžnosće, kedźbnosć budźić, měli wučerpać

wutora, 05. junija 2018
artikl hódnoćić
(0 )
Šwalča Petra Kupcyna wobhladuje sej z mandźelskim Stefanom we wukładnym woknje mišterske dźěła rjemjeslnikow. Foto: Bianka Šeferowa Šwalča Petra Kupcyna wobhladuje sej z mandźelskim Stefanom we wukładnym woknje mišterske dźěła rjemjeslnikow. Foto: Bianka Šeferowa

Wojerecy (SN/BŠe). Mišterske dźěła rjemjeslnikow Budyskeho wokrjesa su nětko we Wojerecach wustajene. Móžno je to dźakowano projektej Sakskeje aliancy fachowych mocow we wobłuku „Rjemjesło mobilnje“. „Chcemy pokazać, zo je rjemjesło moderne a móže młodych ludźi narěčeć“, rozłoži wokrjesny rjemjeslniski mišter Frank Scholze wčera na wotewrjenju wukładneho wokna na Brjedrichowej we Wojerowskim starym měsće. Přišli su někotři z rjemjeslnikow, kotřiž běchu swoje mišterske dźěła za projekt nachwilnje přewostajili. Mjez nimi bě serbska šwalča Petra Kupcyna. W lěće 2012 je wona mišterske pruwowanje złožiła a za to kostim zhotowiła, za kotryž bě dźowka Sandra model. „Z mišterskim wukubłanjom mam wjele wjace dźěła. Runje tak je mi wone pomhało so syći přizamknyć, z kotrejež nětko čerpam“, Worklečanka wuswětli.

„Rjemjesło w regionje pokazać a młodostnym wuwědomić, kotre šansy wušiknej ruce matej, je nuznje trjeba“, podšmórny pjekarski mišter Roland Ermer (CDU), kiž je zdobom prezident sakskeho rjemjeslnistwa.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND