„Wuchod móže wojować“

srjeda, 22. awgusta 2018
artikl hódnoćić
(0 )

Na dźaknym zarjadowanju tež tójšto kritiki słyšeć było

Zhorjelc (SN/BŠe). Dlěje hač dwě lěće wojowachu wobydlerjo regiona poboku sobudźěłaćerjow Zhorjelskeju zawodow Bombardier a Siemens wo to, stejnišći zachować. Hač běchu to akciske dny, demonstracije, rjećazy ludźi, napominanske straže a dalše protestne zarjadowanja – wšudźe su přistajenych předewzaćow podpěrali. „Zawodaj zdźeržeć bě jenož móžno dźakowano wulkej solidariće. Z tej mocu móžachmy rozsudy koncernow wobwliwować. Smy dopokazali, zo móže wuchod wojować. Tež hdyž mamy hišće wjele dźěła před sobu, je načasu so dźakować“, wuzběhny prěni społnomócnjeny dźěłarnistwa IG metal wuchodna Sakska Jan Otto do dźakneho zarjadowanja „Zhorjelc wostanje! Naš zhromadny wuspěch!“. Wone wotmě wčera na Zhorjelskim Marijinym naměsće, hdźež wuhotowachu měšćanski swjedźeń.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND