Druhe myto Kulowskej zawodnej radźe

wutora, 04. septembera 2018
artikl hódnoćić
(0 )
Bartosz Drobniuch, Isabel Mager a Daniela Krätzschmar ze zawodneje rady Kulowskeho mebloweho zawoda Maja wjesela so nad Sobupostajowanskim mytom sakskeho DGB.  Foto: Axel Arlt Bartosz Drobniuch, Isabel Mager a Daniela Krätzschmar ze zawodneje rady Kulowskeho mebloweho zawoda Maja wjesela so nad Sobupostajowanskim mytom sakskeho DGB. Foto: Axel Arlt

Budyšin (SN/at). Lěta dołhe napinanja, wutworić w Kulowskim meblowym předewzaću Maja zawodnu radu, a jeje dźěło su wčera počesćili. Předsydka Daniela Krätzschmar a jeje naměstnik Bartosz Drobniuch přiještaj we wurisanju wo Sobupostajowanske myto DGB Sakskeje wu­­znamjenjenje za druhe městno. Wosebitosć je, zo dźěłaja pola Maja mnozy Polacy. Jich do prócowanjow wo zawodne sobupostajowanje zapřijeć bě wulke wužadanje. Wšako woni tajke něšto ze swojeje domizny njeznaja. „Wojujemy wšědnje znowa. Mjeztym je so jedna­ćel­stwo na naše wobliča zwučiło“, rjekny Daniela Krätzschmar. „Pólscy kolegojo zawodnu radu akceptuja. Wopačne in­formacije, na přikład nastupajo přistup k dźěłarnistwu IG metal, jim strach na­činjeja, nochcedźa dźě dźěłowe městno zhubić“, rozprawješe Bartosz Drobniuch. „Postupujemy w mały krokach“, podšmórny předsydka zawodneje rady. „Kolegojo tajke kroki husto njepytnu. To je pro­blematiske“, doda jeje naměstnik a mjenowaše za to hač do kónca lěta pł­a­ći­we nachwilne zawodne dojednanje. „Myslimy sej, zo smy z nim po prawym puću.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND