Wuspěšnu firmu dale wjedźe

pjatk, 22. februara 2019
artikl hódnoćić
(0 )
Wěteńčan Marko Hicka je spočatk lěta swójski twarski zawod załožił, naslědujo twarske přede wzaća Jaworčana Stefana Knopa. Foto:  Marian Wjeńka Wěteńčan Marko Hicka je spočatk lěta swójski twarski zawod załožił, naslědujo twarske přede wzaća Jaworčana Stefana Knopa. Foto: Marian Wjeńka

Wot kónca 1990tych lět je Knopec twarski zawod z Jawory na njeličomnych twarnišćach w dwurěčnych gmejnach dźěłał. Wotnětka nima předewzaće jenož­ noweho šefa, ale tež nowe mjeno.

Wěteńca (SN/MWj). Swětły transporter před wulkim nowonatwarjenym domom we Worklečanskim Nukliku njeje přewidźeć. Wulke pismiki skedźbnjeja na to, zo jedna so wo jězdźidło Hickec twarskeho zawoda. Mjeztym zo instalaterojo wulki tepjenski kotoł připrawjeja, pódla nich Marko Hicka garažu wuplestruje. Wón je spočatk lěta swójski twarski zawod załožił, naslědujo twarske přede­wzaća Jaworčana Stefana Knopa. Dokelž so tajke něšto wot dźensa na jutře njestanje, je so 39lětny Wěteńčan na tónle krok dołho přihotował. „Sym wot lěta 2002 w Knopec zawodźe dźěłał a 2013 mišterske wukubłanje zakónčił, štož bě sobu wuměnjenje, zo móžu so w twarskej branši zesamostatnić“, twarski fachowc powěda. Zo powjedźe wón zawod pod swójskim mjenom, bě tohorunja dołhodobnje dorěčane.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND