Naprašowanje mjez předewzaćelemi ma wulki wuznam za region

Budyšin (SN/BŠe). Stajnje zaso so ludźo z někajkimi naprašowanjemi wokoło bědźa a na nje často hižo njereaguja, wšako za nich ničo njewunjesu. To drje je kóždy hižo začuwał. W zhromadnym dźěle z Budyskim a Zhorjelskim wokrjesom chce pak wot jutřišeho tež Marketingowa towaršnosć Hornja Łužica-Delnja Šleska (MGO) jedne tajke mjez předewzaćelemi přewjesć, a wone móhło za naprašowanych wulce wuznamne być. „Wuwjedźenja předewzaćow k hospodarskemu stejnišću Łužica budu zawěsće zajimawe. Wšako su wužadanja jednotliwych branšow we wšelakorych kónčinach rozdźělne“, měni přirjadnica Budyskeho krajneho rady Birgit Weber, kotraž je naprašowanje nastorčiła.