Dźěło rjemjeslniskich fotografow bóle hódnoćić a z nimi hromadźe dźěłać
Budyšin (SN/BŠe). Fota za personalny wupokaz hodźa so lochce sfalšować. To měnješe zwjazkowe nutřkowne ministerstwo a je w januaru wozjewiło, zo njesměli fotografojo hižo pasowe wobrazki činić, ale zo maja tajke pod dohladom sobudźěłaćerjow na zarjedźe nastać. K pomocy měli jim wotpowědne awtomaty być, kotrež fota hnydom wobdźěłarjej zarjada dale posrědkuja. Plany je ministerstwo mjeztym cofnyło, dokelž bě so rjemjeslniski staw jara wobarał. Přiwšěm wostanje hórki přisłód nastupajo po wšěm zdaću lochkomyslne wuprajenje.
