Najebać lońšu suchotu so znowa na stalětnu tradiciju zwažili

Drjowk (SN/BŠe). Na polach Delnjeje Łužicy tuchwilu módre złoto kćěje – len. Kaž agrarna towaršnosć w Drjowku (Drebkau) zdźěli, liča lětsa z jara dobrymi žnjemi, kotrež chcedźa bórze zahajić. Błótowscy ratarjo pak běchu so rozsudźili, porno lońšim 210 hektaram rostliny tónraz jenož na cyłkownje 140 hektarach plahować, dokelž mějachu loni swoje ćeže z trajacej suchotu. To njeje wegetaciskemu wotběhej scyła tyło, a tuž njeběchu žně spomóžne.