Spěchowanske srědki po cyłym regionje jara derje rozdźělene

Rakecy (SN/BŠe). Bjez spěchowanskich srědkow njebychu sej gmejny te abo tamne naprawy dowolili. Jedyn tajki ­program, z kotrehož komunalni politikarjo rady čerpaja, je Europski program Leader. Minjeny pjatk wobhonichu so wjesnjanosća z kónčiny Hornjołužiska hola a haty wo hižo docpětym, wšako bě so­ spěchowanska doba kónc lěta 2020 zakónčiła. ­Poprawom lětne zarjadowanje z wjesnjanostami stajnje na jednym městnje přewjeduja. „Koronapandemije dla pak to njeńdźe, a tak bě posedźenje digitalne“, praji André Köhler z regionalneho ma­nagementa leaderoweje kónčiny Hornjołužiska hola a haty ze sydłom w Ra­kecach.