Před Kamjenskimi wrotami wuwiwaja inowatiwne stejnišćo biotechnologije

Njebjelčicy (UM/SN). Zhotowjenje židy bě w srjedźnej Europje něhdy wažny hospodarski stołp. Samo w młódšim času a we wokolinje plahowachu marušnje (Maulbeerbäume) jako zakład za plahowanje židźencow (Seidenraupen). Hišće w 1950tych lětach je tón abo tamny ratar abo wučer we wjesnych kónčinach marušnje plahował. „Wokoło lěta 1956 pak so to nadobo pominy“, wujasnja Udo Krause. Załožer a sobutowaršnik pře­de­wzaća Židźany kokon Native Silk tzwr ze sy­dłom w Njebjelčicach so z biotechnologiju zaběra a chce produkciju židy w Němskej znowa etablěrować.