Janšojska milinarnja budźe dlěje hač předwidźane zasadźena
Budyšin/Choćebuz (SN/BŠe). Energijowi ministrojo zwjazkowych krajow su minjenu póndźelu zhromadnje ze zwjazkowym ministrom za hospodarstwo a energiju Robertom Habeckom (Zeleni) wo tym wuradźowali, kak móhli potrjebu płuna redukować. Zaměr wicekanclera je, mjenje ruskeho płuna importować. Wažne nětko je, wěstu rezerwu płuna za zymu wutworić. Za produkciju miliny a ćopłoty pak měli wjace brunicowych milinarnjow zasadźić, štož so wězo tež na wobhospodarjenje łužiskich milinarnjow wuskutkuje.
