Wysoke płaćizny za ćěriwa a hnojiwa branšu chětro poćežuja

Budyšin (SN/BŠe). Po žnjach je za ratarjow do žnjow. Na mnohich polach, po kotrychž před krótkim hišće syčomłóćawy jězdźachu, burja nětko nazymski ­wusyw přihotuja. Tola wid na přichodne měsacy wšitkich chětro starosća a to ­předewšěm hladajo na wuskutki wójny w Ukrainje dla. Tak su płaćizny za ćěriwa a hnojiwa razantnje stupali. Bjez ćěriwa njehodźa so wulke mašiny zasadźić. Kaž předsyda regionalneho burskeho zwjazka Budyšin-Kamjenc Stefan Triebs zdźěli, je ćěriwo přerěznje wo 70 procentow dróše hač loni. Ratarske předewzaća ­maja dźesaćtysacy eurow wjace nałožić hač lěta do toho.