Na pólnym dnju LEAG wuznam miskantusa za přichod twarstwa rozjimali
Rychwałd (AK/SN). Plahowanje wužitkoweje rostliny miskantus, kotrejž rěkaja tež chinska trawa, ratarstwu a twarskej industriji mnohostronske šansy wotewrě. Łužica móže při tym pućrubarka być. To bě wčera na pólnym dnju LEAG widźeć. Na rekultiwowanej přestrjeni 1,5 hektarow při Wochožanskej brunicowej jamje je Hodźijska firma Technical Service Kühn tzwr (TSK) projekt „Miscomar+“ předstajiła. TSK je płoninu wot LEAG najimała. „Tónle pospytowanski projekt podpěramy. Rekultiwacija ma pola nas wulki wuznam. LEAG je jeničce w lěće 2022 areal nimale 270 hektarow rekultiwowała“, podšmórny dr. Thomas Koch, nawoda wobłuka geotechnika/rekultiwacija LEAG.
