Kamjenske lětanišćo je za nowe předewzaća dale a atraktiwniše. Njedawno su tam prěni zaryw za wotkryće něhdźe 12 000 kwadratnych metrow wulkeje přemysłoweje płoniny swjećili, štož je prěni dźěl wulkeho přemysłoweho parka, kiž dyrbi tam w přichodźe nastać.
Kamjenc (UM/SN). Lětanišćo Kamjenc zhladuje na wjace hač 100lětne stawizny. Před dokładnje sto lětami, potajkim w lěće 1923, je město najwjetši dźěl tehdy hižo eksistowaceho lětanišća wotkryło. Dźensa zamołwja Kamjenc – hromadźe z Budyskim wokrjesom – jako towaršnik lětanišćo Kamjenc tzwr.
