Analyza wotkrywa njedostatki w Choćebuzu, Budyskim a Zhorjelskim wokrjesu
Budyšin (SN/BŠe). Hladajo na změnu strukturow stajnje wo tym rěča, žiwjensku kwalitu a wobstejnosće polěpšić. Bjezdwěla liči k tomu tež bydlenje. Tež Budyski wyši měšćanosta Karsten Vogt (CDU) je na wčerawšej měšćanskej radźe wobkrućił, zo ma sprjewine město hladajo na bydlenje wulki wuznam. Tak so wón nadźija, zo sobudźěłaćerjo noweje twornje TSMC w Drježdźanach město Budyšin jako bydlenske stejnišćo wuzwola. Přichodny tydźeń je nimo toho zeńdźenje k wuwiću bydlenjow wokoło Drježdźan planowane.
