Wojerecy (AK/SN). Wojerecy klětu w septembrje 26. dźaknu domchowanku Sakskeje wuhotuja. Swobodny stat zarjadowanje z 200 000 eurami a komuna Wojerecy z 5 000 eurami podpěra. Domchowanka so zhromadnje z měšćanskim swjedźenjom přewjedźe. „Njeje to jenož swjedźeń za ratarstwo, ale tež za wjesne kónčiny. To je swjedźeń za ludźi, kotřiž tu bydla. Jich angažowane, čestnohamtske dźěło ma so hódnoćić“, podšmórny jednaćel Sakskeho krajneho kuratorija Wjesny rum z. t. Marko Klimann zawčera­wšim we Wojerecach. Kuratorij město při přihotach přewodźa.