Budyšin/Varnsdorf (SN). Němsko-čěski fonds za přichod je trojorěčnu awdiowizuelnu wučbnu šćežku we Varnsdorfje jako projekt měsaca wuzwolił. Pod nawodom dr. Jany Piňosoveje ze Serbskeho instituta­ běchu ju šulerki a šulerjo Budyskeho serbskeho gymnazija a Varnsdorfskeho gymnazija zwoprawdźili (Serbske Nowiny rozprawjachu). Dalši partnerojo projekta běštej měšćanska knihownja Varnsdorf a tamniši muzej. Zajimcy móža sej šćežku na městnje abo online na portalu Sorabicon wobhladać. „Wosebitosć projekta bě aktiwne wobdźělenje šulerjow z Němskeje a Čěskeje. Jim njebu jenož wěda sposrědkowana. Woni su při wuhotowanju sobu skutkowali. Při tym móžachu so ze swójbnymi stawiznami rozestajeć a rozumić, kak wusko su wosobinske a towaršnostne stawizny ze sobu­ splećene,“ Piňosová podšmórnje a doda: „Tema bě wědomje pozitiwna – historiski podawk, kotryž dźensa jako zwjazowacy a nadźiju dawacy rozumimy. Zdobom pak zmóžnja, powójnski čas na diferencowane wašnje wobhladać: Jako dobu, kotraž njeje jenož nadźiju a nowy započatk ze sobu přinjesła, ale tež njeprawdu a namóc.