100 000 ludźi w prěnich třoch dnjach Zeleny tydźeń wopytało

Berlin (SN/MiP). Najwšelakoriše zawjedliwe wónje će powitaja, ručež zastupiš do halow na arealu Berlinskich wikow pod Škričkowej wěžu. Smy na mjezynarodnym Zelenym tydźenju w Berlinje. Wot pjatka dundaja zaso syły wopytowarjow kulinariske chłóšćenki woptawajo wot kioska ke kioskej. Wuběr je hoberski – dohromady 1 400 narodnych a mjezynarodnych wustajerjow tu lětsa swoje produkty prezentuje. Tu namakaš za kóždeho něšto – hač čerstwje nawarjeny uzbekiski Plov, baworski hórski twarožk z Allgäuja abo kurjeny karp z biosferoweho rezerwata Hornjołužiska hola a haty abo tež piwo, wino, palenc a słódkosće. W prěnich třoch dnjach je hižo 100 000 wopytowarjow najwjetše agrarne wiki swěta wopytało.