Dobre partnerstwo mjez župu „Michał Hórnik“ a rěčnym centrumom
Chrósćicy (JK/SN). Trochu zboža wšak swójby, kotrež běchu sej wčera z awtom do Chrósćic na swójbnu schadźowanku dojěli, trjebachu, zo bychu blisko tamnišeje wjacezaměroweje hale „Jednota“ parkowanske městno našli.
Dypkownje popołdnju w třoch stej amtěrowaca županka župy „Michał Hórnik“ Zala Cyžowa a nawodnica Rěčneho centruma WITAJ dr. Beata Brězanowa zarjadowanje zahajiłoj. W swojich witanskich słowach wupraji dr. Brězanowa wočakowanja na swójbne popołdnjo jako městnosć, wuměnjeć sej mysle a nazhonjenja a namakać impulsy za spomóžny dwurěčny dialog z pomocu zabawneho programa.