Budyski Serbski muzej zabawja dźěći z ekskursijemi po měsće
Budyšin/Kamjenc (SN/MiR). Zaměr prózdninskich poskitkow w muzejach njeje, jeničce dźěći a młodostnych zabawjeć. „Nam dźe wo to, w nich tež zajim budźić za zarjadowanja a wustajeńcy, kotrež přez cyłe lěto poskićamy“, praji zamołwity za medijowu pedagogiku w Budyskim Serbskim muzeju Měrćin Brycka. Tak je wón lětsa sčasom za prózdninske poskitki w muzeju wabił. „Sym so wosebje na dźěćace dnjowe zarjadnišća w Budyšinje a blišej wokolinje wobroćił, wotpowědnje zwiskam, kotrež dotal do tajkich pěstuju“, wón rozłožuje.