Chcedźa kreatiwne ideje na wsach Budyskeho wokrjesa wotkryć
Budyšin (SN/MiR). Na wšitkich stejnišćach lětušich 8. Budyskich powołanskich wikow w Kamjentnym domje rěka samsna próstwa. „Trjebamy młodych ludźi, kotrychž móžemy w našim předewzaću wukubłać.“ Tole potwjerdźi tež twarski nawoda Thomas Henke z Radworja. Zhromadnje z kolegu Florianom Tittelom wabi wón za powołanje mechanikarja za techniske připrawy. „Ći, kotřiž chcedźa tele powołanje wuknyć, trjebaja dobru powšitkownu wědu a techniski rozum“, podšmórnje Henke, a Tittel dodawa, zo „njeje wěda w předmjetach fyzika, matematika a chemija na škodu“.