Rěčny centrum z nowej knižku

štwórtk, 04. januara 2018
artikl hódnoćić
(0 )
Wobalka noweje kolenowje knižki RCW RCW Wobalka noweje kolenowje knižki RCW RCW

Budyšin (SN/JaW). „Lejna a potwory w ćmě“ je nowa kolenowa knižka, kotraž je wčera w Rěčnym centrumje WITAJ wušła. Kaž RCW w nowinskej zdźělence informuje, jedna so při tym prěnjorjadnje wo „didaktiski material za pěstowarnje“. Zajimcy dóstanu nowostku darmotnje w rěčnym centrumje.

Stawizna w knižce jedna wo małej Lejnje, kotraž ma swójsku stwu a swójske łožo. Kóždy wječor praji wšěm swojim hrajkam a pleńčatkam dobru nóc, zo móhła tohorunja měrnje spinkać. Dyrbjała-li pak tola raz wosrjedź nocy wotućić, ma při łožu swětleško a móže sej tež spěšnje zaso wusnyć. Tola w jednej nocy wšitko hinak přińdźe hač myslene. Hač so w Lejninej stwě potwory chowaja a hač so wona jich dla boji? To a wjace zhonja zajimcy w nowej publikaciji RCW. Stawi­znu spisał je serbski žurnalist a publicist Měrćin Wjenk, wo ilustracije w knižce postara so Kirsten Höcker.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND