„Dźěći dyrbja w rěči płuwać“

srjeda, 14. měrca 2018
artikl hódnoćić
(0 )
 Katrin Wokowa  Foto:  Katrin Wokowa Katrin Wokowa Foto: Katrin Wokowa

Katrin Wokowa je nowa nawodnica „Chróšćan kołća“. Za čas studija socialneje pedagogiki w Drježdźanach je tam we wjacorych pěstowarnjach dźěłała. Po tym skutkowaše na młodźinskim zarjedźe w Zhorjelcu. Skónčnje je so do domizny wróćiła. „Wosebitosć serbskich pěstowarnjow stej narodnosć a nabožnosć. W němskich drje tež nałožki pěstuja, tu w Serbach pak činja to z wjetšim zapalom“, 29lětna rozpowěda.

Jako wjednica „Chróšćan kołča“ dźiwa wona na to, zo serbska rěč a kultura w srjedźišću stejitej. Cyły dźeń tam serbšćinu nałožuja, při zaběrach, spěwje a hrajkanju. Hač su to kubłarki, rjedźerka abo domownik – ze wšěmi dźěći serbsce rěča. „Wone dyrbja takrjec w rěči płuwać. To wšak sej metoda imersije žada.“

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND