Starši w Čornym Chołmcu wojuja wo lěpše wuměnjenja za swoje dźěći
Čorny Chołmc (AK/SN). Starši chowancow Čornochołmčanskeho dnjoweho přebywanišća „Krabat“, kotrež je w nošerstwje Dźěłaćerskeho dobroćelskeho skutka, wojuja dale wo zakładne polěpšenja rumnostnych wuměnjenjow. To po- twjerdźi předsydka staršiskeje přirady Luisa Kujasch na njedawnym posedźenju Wojerowskeje měšćanskeje rady. Dźěłowa skupina z fachoweju wobłukow twarstwo a wobydlerski zarjad kaž tež AWO-Łužica jako nošerja a zastupjerjo staršich su sej w běhu wjacorych wuradźowanjow wšelake móžnosće wobhladali, na kotre wašnje hodźał so problem rozrisać. Do postupowanja zapřijaty bě twarski planowanski běrow Udo a Torsten Gumpert. Luisa Kujasch dźakowaše so nětko měšćanskemu zarjadnistwu a jeho sobudźěłaćerjam za dotalnu podpěru.
