Nowe šulske lěto zahajene poručenje

póndźela, 13. awgusta 2018
artikl hódnoćić
(0 )
Na Chróšćanskej zakładnej šuli „Jurij Chěžka“ běštej mjez 18 šulskimi nowačkami sobotu popołdnju tež dwójnikaj Alena a Lydija  Wałdźic z Prawoćic (wotprawa). Nazhonita wučerka Marija Wjenkowa, kotraž wotnětka šulerjow 1. lětnika wuwučuje, drje njezměje wulke ćeže jej rozeznawać, byrnjež sej sotře jara podobnej byłoj.  Foto: SN/Maćij Bulank Na Chróšćanskej zakładnej šuli „Jurij Chěžka“ běštej mjez 18 šulskimi nowačkami sobotu popołdnju tež dwójnikaj Alena a Lydija Wałdźic z Prawoćic (wotprawa). Nazhonita wučerka Marija Wjenkowa, kotraž wotnětka šulerjow 1. lětnika wuwučuje, drje njezměje wulke ćeže jej rozeznawać, byrnjež sej sotře jara podobnej byłoj. Foto: SN/Maćij Bulank

Šulscy nawodźa přitomnym wušiknje swoje próstwy posrědkowali

Radwor (SN/BŠe/MiR). Zahajenje šul­ske­ho lěta 2018/2019 bě wosebje šulskim nowačkam wosebity dźeń. Starši zhladuja nětko z wosebitym wóčkom na nich. To je so tež hižo na přiwzaću nowačkow na serbskich a serbšćinu wuwučowa­cych zakładnošulskich kubłanišćach wopokazało. Šulscy nawodźa wuzběhnychu trěbny dobry poměr mjez staršiskim domom a šulu.

Za nawodnicu Radworskeje zakładneje šule „Dr. Marja Grólmusec“ Angelu Rynčowu bě wažne wšěm přitomnym posrědkować, „zo trjebaja wone wulku sćerpnosć za swoje dźěći. Ale tež dźěći dyrbja rozumić, zo njehodźi so stajnje wšitko hnydom najlěpje zmištrować. Wosebje wažne je, zo šulscy nowačcy z wjeselom do šule chodźa, a zo chcedźa serbšćinu wuknyć, štož je drohotne kubło.“ Nawodnica kubłanišća wuzběhny, zo chcedźa wuknjacym trěbnosć dwu­rěčnosće wuwědomić a jich podpěrać.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND