Budyske wukubłanske wiki z widom do přichoda wabili
Budyšin (CS/SN). Mjez 830 wopytowarjemi lětušich wukubłanskich wikow „Nawi přichoda“ w Budyskej powołanskej akademiji běštej zańdźenu sobotu tež sotře Emelie a Hannah Schulze. Emelie chodźi do Dr. Salvadora Allendoweje wyšeje šule Budyšin, Hannah na Melanchthonowy gymnazij města. Wobě chcetej maturu złožić. Na wikach stej so wonej za móžnosćemi wobhoniłoj, kak po abiturje dale postupować.