Ralbičenjo hosćićeljo lětušeho UNESCO-campa

štwórtk, 28. měrca 2019
artikl hódnoćić
(0 )
Pčołar Jan Šołta (2. wotl.) je wobdźělnikam UNESCO-campa dźěło z pčołkami rozłožił. Zajim na tym měještaj tež kultusowy minister Christian Piwarz a zapósłanc krajneho sejma Alojs Mikławšk (zady wotpr., wobaj CDU).  Foto: SN/Maćij Bulank Pčołar Jan Šołta (2. wotl.) je wobdźělnikam UNESCO-campa dźěło z pčołkami rozłožił. Zajim na tym měještaj tež kultusowy minister Christian Piwarz a zapósłanc krajneho sejma Alojs Mikławšk (zady wotpr., wobaj CDU). Foto: SN/Maćij Bulank

Budyšin/Ralbicy (SN/mwe). Serbska wyša šula Ralbicy je hosćićelka lětušeho UNESCO-campa, kotryž so hač do jutři­šeho pjatka w Budyšinje a Ralbicach wotměwa. Jako jedne z dwanaće projektowych kubłanišćow UNESCO w Sakskej za­moł­wja delanske za wobsah pod hes­łom „Do přirody a kultury serbskeje hornjeje Łužicy so zanurić“. Kóžda UNESCO-šula – mjez druhim z Lipska, Plauena a Žitawy – je po jednym koordinatoru a štyrjoch šulerjach 5. do 9. lětnika na projektnym campje wobdźělena.

55 hosći přebywa w Budyskej młodowni a je sej zawčerawšim po witanju po měsće dundajo Budyšin wotkryło. Samsny wječor prezentowachu wšitke šule na prěnjej dźěłarničce swoje aktualne wuslědki projekta „přiroda a staro­sćiwy wobchad z njej“.

Kak wobhladniwje Jan Šołta z Konjec ze swojimi pčołkami wobchadźa, nazhonity pčołar šulerjam wčera rozłoži. We wobłuku dźěłarničkow su holcam a hólcam kaž tež jich přewodźerjam w Ralbičanskej šuli pokazali, kak jutrowne jejka debja a sački tykaja, a předstajichu jim serbsku narodnu drastu. Wučer Uwe Macka wjedźeše hosći po wsy a poby z nimi na Ralbičanskim kěrchowje.

wozjewjene w: Kubłanje
Prošu přizjewće so, chceće-li komentar podać

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND