Nad wulkej darniwosću ludźi na crowdfunding-akciji překwapjeni byli
Wojerecy (SN/MiR). Wosom nowych tabletow, runje telko škitnych wobalkow a tastaturow kaž tež słuchatkow su wčera z kófra a kartonka do rukow dźěći pućowali. K tomu słušatej tastaturje z wosebitym wuhotowanjom za dźěći z wobmjezowanymi kmanosćemi načasnu techniku wužiwać móc. Franciska Hellmerowa kaž tež Paškec mandźelskaj Christina a Christian přepodachu techniku šulerjam 1. lětnika Šule dr. Friedricha Wolfa spěchowanskeho centruma wosebiteje pedagogiki z ćežišćom za ćělne a motoriske kubłanje we Wojerecach. Wjeselo dźěći bě wulke, runje na Mjezynarodnym dnju dźěsća přijeć tajki dar.