Wojerecy (KD/SN). Hižo po nazymskich prózdninach je 230 dźěći Wojerowskeje zakładneje šule „Handrij Zejler“ ze swo­jimi 17 wučerkami a wučerjemi kaž tež kubłarkami do saněrowaneje bywšeje wyšeje šule na kromje města přećahnyło. Předwčerawšim su měšćanosta za socialne a šule Měrko Pink, šulska nawodnica Petra Šenkowa a šulerce 4. lětnika ku­błanišćo takrjec oficialne přepodali a symboliski banćik přetřihali. Nowy dom z modernymi meblemi je „cool“, kaž dźěći měnja. Wone wužiwaja na kóždym poschodźe studnju z pitnej wodu. Spočatk a kónc šulskeje hodźiny njepřipowěduje stary zwučeny klinkačk, ale zwuk, po­dobny tomu w kinje.