Rěčny centrum WITAJ při zwučowanju serbšćiny pomha

Budyšin (SN/mb). Šulam při sposrědkowanju serbšćiny wšědny dźeń praktisce poboku być leži sobudźěłaćerkam Rěčneho centruma WITAJ (RCW) wosebje na wutrobje – při tym chce nawodnica RCW, dr. Beata Brězanowa, přidatnje na nowych pućach kročić. Tohodla so wona štwórtk na dalokowučbje retoromanow w Šwicarskej wobdźěli, kotřiž chcedźa dźěći zwonka kantona Graubünden abo šulow z wučerjemi za retoromanšćinu do wuwučowanja swojeje rěče zapřijeć. Za započatk w Serbach ma Brězanowa hižo konkretnu wiziju: Zo šulerjo ze Slepoho a Radworja zhromadnu online-hodźinku serbšćiny dožiwjeja, takrjec nawjazujo na zhromadny dźeń šulerjow tuteju stejnišćow w lońšim projektnym tydźenju Lěta Zejlerja a Kocora za serbske šule z Hornjeje Łužicy we Wojerecach.