Motiwy pozdatneho amokowarja w Biskopicach so poněčim wuswětluja

Biskopicy (SN/pdź). Ludźo w cyłym Budyskim wokrjesu su přeco hišće šokowani. Tak prawje njemóže nichtó zapřimnyć, što je so tam před dwěmaj dnjomaj w Biskopicach stało. W socialnych syćach so horco diskutuje. Wčera je sakski kultusowy minister Christian Piwarz (CDU) šulski kompleks při Cyrkwinskej wopytał. Zakładna a wyša šula stej tam pod jednej třěchu zaměstnjenej. Piwarz je so wo situaciji na městnje wobhonił a dźakowaše so wšěm wučerjam a zastojnikam za jich mudre zmištrowanje krizy. „Woni su wšitko prawje činili a ze swojim zmužitym a koordinowanym wustupowanjom wjetšim škodam zadźěwali“, wón zdźěli. Tež policija chwali, zo su so wšitcy po nazwučowanych wotběhach měli a tak dobry krizowy management zmóžnili.