Sakske kultusowe ministerstwo planuje za nowe šulske lěto KI-tool
Drježdźany (SN/AN). Hišće do spočatka noweho šulskeho lěta chce kultusowe ministerstwo (SMK) kumštnu inteligencu zawjesć, kotraž ma wučerki a wučerjow při zdźěłanju tekstow a nadawkow podpěrać. „Technisku realizaciju digitalneje słužby za přistup ke kumštnej inteligency přewozmje Sakske ministerstwo za kultus. Najpozdźišo k spočatkej noweho šulskeho lěta 2024/2025 ma pomocny srědk inkluziwnje nazornych informacijow k dispoziciji stać“, rozprawja rěčnik ministerstwa Dirk Reelfs.