Wosom wučerjow z Worklec ma na druhich šulach wupomhać

Worklecy (SN/MiR). Delegowanje wučerjow wot jedneje šule na druhu nětko tež Worklečansku wyšu šulu „Michał Hórnik“ sylnje potrjechi. Na šuli wuwučuje w přichadźacym šulskim lěće 22 kolegow. Wot noweho šulskeho lěta 2024/2025 maja wosmjo z nich nic jenož we Worklecach, ale tež na dalšich wyšich šulach w Budyskim wokrjesu wuwučować. Budyska wotnožka Sakskeho krajneho zarjada za šulu a kubłanje je šulske nawodnistwo wo tym w prěnim tydźenju lěćnych prózdnin informowała. Z tym dyrbja šulska nawodnica Diana Šołćina a jeje zastupjer Beno Hojer swoje dotalne planowanje kompletnje přestajić. Přetož přećiwo žadanjam LaSuB postupować je lědma móžno. Informacija zarjada, zo maja wuwučowacy na druhich šulach wupomhać, je za potrjechenu šulu a jeje wučerjow a wučerki zwjazowacy nadawk. Zastupowacy šulski nawoda Beno Hojer tuž hižo w tymle tydźenju hodźinski plan a wotběh wšědneho šulskeho dnja planuje. „Njeje cyle lochko ze situaciju wobchadźeć.