Dźensa wo serbskej rjadowni 1. lětnika w Radworju rozsudźeja

Chrósćicy (SN/mb). Domowina, Serbske šulske towarstwo (SŠT) a serbscy šulscy nawodźa su so pjatk w Chrósćicach zetkali. W zdźělence po terminje čitachmy: „W srjedźišću stejachu aktualne kubłanske prašenja a wužadanja šulskeho lěta 2024/2025. Po rozmołwje dojednachu so na dalše zetkanje za mjezsobnu wuměnu.“ Po našich informacijach běše to dźěłowa rozmołwa, tema su předewšěm žadanja SŠT krajnej politice (Serbske Nowiny rozprawjachu) byli. Tohodla chcedźa so najprjedy dowěrliwje mjez sobu wothłosować. Problematiku 1. lětnika w Radworju su drje narěčeli, při tym pak njeje so ničo noweho jewiło.