Łužiske lodohokejowe liški – EC Kassel Huskies 1:2 (1:1, 0:1, 0:0)

Běłowodźenjo hrajachu pjatk na prěnim hrajnym dnju noweje sezony přećiwo jednomu z postupnych aspirantow do najwyšeje němskeje hrajneje klasy.

Na tutym wječoru widźeše 2 561 přihladowarjow jara sylny wukon Liškow, tola dypkowachu na kóncu hrajerjo ­Kassela.

Domjace mustwo bě w tutej hrě Huskijam na kóždy pad runohódne. To pokaza so hižo w prěnich mjeńšinach z někotrymi dobrymi šansami za Łužičanow. W 15. mjeńšinje pak zakitowanje liškow njedosahaše a Joel Keussen docpě 1:0 nawjedowanje za hosći. Tola njetraješe ani 90 sekundow, zo trěli Lane Scheidl wulkotne wrota. A njeby Michael Bartuli krótki čas pozdźišo jenož žerdź trjechił, bychu Liški samo nawjedowali.