Na dźeń wotewrjenych duri Serbskeho gymnazija wjele zajimcow přišło

Budyšin (SN/lmc). Dźeń do pokutneho dnja – to woznamjenja za šulerjow a wučerjow na Serbskim gymnaziju w Budyšinje: ruce połne dźěła, tójšto přihotow a šansa, so jako zhromadnosć prezentować. Z wjele prócu a potu přihotuja so wšitcy na gymnaziju na wosebity dźeń, zo móhli wopytowarjam awtentiski dohlad do šulskeho dnja skićić. Dźeń wotewrjenych duri njeje jenož tradicija, ale tež składnosć na to skedźbnjeć, štož šulu wučinja.